“SnkrCity” е веб магазин кој започна во ноември 2014 година од група млади луѓе љубители на сникер културата, популарно наречени сникерхедси. Идејата за создавањето на SnkrCity произлезе од многу едноставно прашање, каде можам да се информирам за новостите и настаните од светот на патиките.
Сите на различна возраст но со ист ентузијазам и пасија кон носењето патики, кои само тие ќе ги поседуваат, кои се ретки или уште подобро “специјални”. Таа љубов продолжија да ја негуваат низ годините за на крај да прерасне во страст и движечка сила на нивните креативни умови.
Нивната цел е да ја пренесат и (дури) наметнат сникер културата на овие простори. Се започна од потребата да се задоволат сопствените потреби, да стигнат до патики кои никој друг не може да ги има, да ги имаат омилените или чисто (колекционерски) да ги соберат сите. Иако ограничени со избор и опции за задоволување на потребите на љубителите на патики, оваа група се разви брзо, а содржината стануваше се пообемна. Преку “SnkrCity” се обидуваат да го претстават секој модел, не само како модел на патики кој се носи додека се скине и се отфрли, туку како начин на изразување, извор на креативност и како приказна која се наоѓа зад историјата на секој модел.
Како сеуште млад бренд кој постои нешто повеќе од една година, овој колектив на млади обожаватели и негувачи на sneaker културата пишува информативни постови на специјализираната веб страна како најава за пристигањето на одредени модели и нивната технологија, инспирацијата за моделот и совети за најдобрите патики за спортување, за стилско изразување и едноставно за прошетка по скопските улици. Потоа започнаа со продукција на unboxing видеа со промоција и детална презентација на моделите. Почетоците се претставени на Facebook фан страната, сега наречена Footnotes by SnkrCity. Главната идеја е луѓето да ги споделуваат своите патики или своите колекции, како и сите дилеми и мислења поврзани со сникер културата.
“SnkrCity” е онлајн магазин кој се фокусира на сникер културата, модата, уметноста и идните трендови. Полека, но сигурно се гради како бренд кој се подобро се запознава и позиционира во сникер култирата, со јасна цел да сникер културата да навлезе во урбаното секојдневие на овие простори и пошироко.
Buzz Македонија во соработка со момците од SnkrCity, со голема чест ја исполнуваат заедничката визија за урбано и модерно живеење. Благодарение на искусниот тим на Sport Vision, на полиците на Buzz Shop-от секогаш забележуваме нешто свежо, урбано и неочекувано.
...приказната не завршува тука, на нас останува да ве запознаеме со љубовта кон патиките и да ви ја пренесеме пасијата и нашата иснпирација за сникер културата.
