Цел свет носи исти патики. Да нема забуна, мојот гардеробер е исто така полн со класици, но понекогаш сакате нешто малку поинаку. Сакате одмор од статус кво. Пред некој да ви покаже со прст во патиките и да ви каже „исти се како...“, освен вечното умешно ремиксирање на конкуренцијата - треба да знаете и една важна приказна.
Една од најпознатите расправии во светот на патиките е онаа помеѓу Nike и Asics. Nike започна како Blue Ribbon Sports во производниот погон на Asics, но подоцна се разделија поради визија (и пари). Можете да прочитате повеќе за ова деловно несогласување во одличната книга на Phil Knight – Shoe Dog. Мислам дека е важно да се спомене заедничката историја на овие два бренда за да биде јасно зошто понекогаш споделуваат дизајнерски јазик и елементи. И знаете дека Japan S ве потсетува на нешто веќе познато. И токму тука е нивната сила.
Зошто S во името? Затоа што тие се ниски, а има модел со висок крој наречен Japan L кој вреска „80-ти се во NBA, никој не знае да шутира тројка, а сите дриблаат под кошот“.
Кошаркарски патики со низок профил кои гордо ги носат епитети на класика, носталгија и vintage стилот. Дури и Asics може да се пофали со сериозно кошаркарско наследство - во осумдесетите ги носеа сериозни играчи на NBA терените, а најпознат претставник на Asics беше „bad boy“ од Detroit Pistons, Isaiah Thomas, најголемата пречка на Michael Jordan во раните денови.
Сега ретро кошаркарските патики се насекаде, како да сме сите назад во осумдесеттите - барем што се однесува до нашите стапала. JAPAN S може да се пофали со едноставен дизајн кој се издвојува од толпата благодарение на препознатливите линии на Asics.
Она што ме воодушеви беше тоа што веднаш при првото облекувањеми станаа удобни. Не морав да ги разгазувам, туку уште првиот ден ги облеков и прошетав низ градските улици со чувство на супериорна удобност и неверојатна пријатност, а воедно мисијата „10 илјади чекори“ беше постигната. Здравиот ум е во здраво тело, така велат. Тоа суштината на ASICS. Anima sana in corpore sano, за сите што слушале часови по латински. Ги носам секој ден, без разлика на дневните активности и временските услови.
Asics JAPAN S можете да го најдете во бела боја која ќе ја предизвика вашата храброст на улица, во продавниците на Buzz и онлајн.
Наскоро ви пишувам повторно,
