Ги почитувам и носам "трите црти" од дете, најмногу заради едноставноста и духот, а потоа заради имиџот и стилот. Целата приказна за adidas, за браќата Ади и Рудолф за годините во кои почнале и "градот со наведнати глави" ме привлече уште повеќе да го засакам овој епски бренд.
Јас сум Владимир Пешков или како што мојата публика ме знае - ЛД Пистолеро @ldpistolp
Активно сум присутен на рап сцената повеќе од 15 години, а од 2008 активно тренирам Кендо.
Денес позади себе имам повеќе официјални студиски изданија и со положен 3-ти Дан сум член на Кендо репрезентацијата на Македонија и инструктор на јуниорите во "Зен Кен доџо Јошин" во Скопје.
Спортот, музиката, улицата и игралиштата низ годините го изградија мојот стил, а тие што ме знаат знаат дека мојот стил е adidas.
Кога се работи за патики "Shell shoes" е мојот тотално неотповиклив избор. Можам да ги носам со буквално се!
Жаргонски кажано Adidas Superstar е „понашање“. Иако идејата им е да се "low top" баскет патики, многу рапидно се префрлаат од баскет терените на улица. Моите денови, видео спотови, тренинзи и настапи не можат да "пројдат" без Adidas Superstar и високо крената бела чорапа.
Конкретниот модел на Superstar веднаш ги забележав. Kожниот горен дел и капачето на прстите остануваат верни на минатото, изгледајќи исто како оригиналот од 70-тите. Делумно се направени со рециклирана содржина создадена од отпад од производство.
Овој модел на adidas Superstar како и сите останати може да ги погледнете во продавниците на Buzz како и на Online shop.
До следно читање,
Поздрав,
