Кога почнав да танцувам, Puma ми беше најомилениот бренд. Особено моделите направени од велур. Таква класика беше тешко да се победи. Со промена на мојот стил, се префрлив на некои други патики, но Puma остана мој многу драг бренд. И токму затоа мило ми е што го гледам успехот на Puma во последните неколку години. Миксот на моделите Suede и Clyde ги освоија девојките кои се во тек со модата, а потоа се одлучија да се приклучат на трендот на chunky патики и му го понудија на светот моделот RS-X, а подоцна и цела низа модели на RS.
Само прошетајте низ градот и видете што носат децата денес. Puma патики на секој чекор.
Зошто се нарекуваат RS? Тие се базираат на Puma Running System од 1980-тите и тоа се приметува. Без оглед на тоа колку години имате и дали некогаш сте биле сведоци на времето на VHS, радиокасетите и 8-bit Nintendo, овие Puma патики се супер за сите.
Избрав RS-X MIX за мене затоа што ја сакам оваа аква зелена боја на скоро секој модел. Ми се допаѓа што боите не се премногу нападни, тие се доволно суптилни за да одговараат на секоја облека.
RS-X MIX денес се претставени како lifestyle патики, но да се вратиме во минатото во доцните 80-ти или раните 90-ти, тие сигурно би биле патики за трчање. Ми се допаѓа што заштитната лента на Puma на страна е разиграна како на првичните модели, таа ми е покреативна од вообичаените решенија на кои сме навикнале од германскиот гигант.
Тие се удобни, динамични, а полиуретанската влошка дефинитивно влијае на чувството на удобност, а бонусот е што се чувствувам повисоко во нив. Мекиот, висок среден ѓон си го прави своето.
Тие станаа мои go-to патики, без разлика каде одам и што носам. Некои можеби ќе ме гледаат чудно, но – мене ми е пријатно и удобно. Живееме во моменти кога е важно да сме океј со самите себе и треба да го прифатиме тоа.
Puma брзо и сигурно ги придвижува работите. Тие, исто така, сериозно влегоа во светот на кошарката, ги имаат некои од најдобрите нови кошаркарски модели, само треба да најдат подобри кошаркари за да ги промовираат бидејќи Kyle Kuzma не поминува, барем не кај мене. Популарниот рапер J. Cole сериозно ги промовира и ја крева нивната репутација и во хип хоп културата, а вие знаете колку значи тоа за прифаќање на брендот во колективната свест. Следниот пат кога ќе зачекорите во реалниот свет, погледнете што ве опкружува. Опкружени сте со свет во кој победува Puma.
