Иако оригинално се „родени“ како патики наменети за одбојкарите, за мене прва асоцијација за adidas Superstar отсекогаш биле RUN DMC. Легендарните рапери започнаа да ги носат на своите настани како пркос на поп модата, докажувајќи дека на настапите можат да изгледаат одлично иако ја носат истата мода „од улиците“.
Брзо потоа, суперстарките станаа неизоставен дел од многу street wear комбинации. Од фенси блогерки, до hard core музичари, и најоткачените комбинации го добивале својот суперстар момент со овие патики.
Класичните бели Superstar низ годините се појавија во голем број на варијанти. Се менуваше сè, од бои, патерни, до материјали, а денешниот избор SUPERSTAR 80S W е едeн многу необичен спој - превртена кожа и animal print. Иако на прв поглед изгледа малку похрабро, супер се вклопува дури и во лежерна есенска комбинација.
