Здраво екипа! Во претходните приказни имав прилика да ги пробам и да ви напишам нешто за моите омилени модели на патики од светот на adidas и Nike. Иако, скоро никогаш не бирам нешто друго освен овие два бренда, од секогаш сум сакал да пробам нешто ново и да им дадам шанса на новите работи, така што денес одиме во светот на Puma – моделот Puma RS-X.
Посетата на оваа аркадна играчница ме врати во детството. Сите тие звуци во 8-бита и неонското шаренило, ми оставија големо чуство на носталгија, што воедно го карактеризираат и овој модел на патики. Како што можете да погледнете на сликите, патиките многу добро се вклопуваат во шарениот амбиент на оваа играчница! Иако ова “RS” се подразбира за ”Running System”, од искуство можам да ви кажам дека оваа патика може да се носи во било која урбана прилика. Без разлика дали трчате, или си ги вршите секојдневните активности – Puma RS-X совршено ќе ве поддржат во тоа што го правите.
Puma RS-X патиките се правени по Running System на моделите од 80-те, така да, иако изгледаат модерно и футуристички, може да ја осетите и ретро вибрацијата. Овој модел се одликува по горната мрежа која е поставена со цел ногата да дише и гумениот ѓон кој ни нуди стабилност и вклопување со секоја површина! Покрај тоа, овие патики се посебни и поради самиот дизајн. Од ѓонот, па се до јазикот, може да се забележат убаво искомбинирани комплеметарни бои, низ геометриски облици и шари на ѓонот. Самиот спој на футуристичката линија и комбинацијата на бои со ретро крој е она што на овие патики им дава печат.
Уживав во овој избор! Мора да признаам, кога влегов во Buzz shop овие патики први ми привлекоа внимание иако има доста голем избор на модели.
До следната Buzz приказна, голем проздав!
