Здраво луѓе, помина долго време од последниот мој блог, а причината за тоa е што само го чекав овој момент. Се прашувате зошто овој момент е вистинскиот? Затоа што е време да ги обработам сите информации за FILA бидејќи конечно пристигна!
На мојот Instagram профил добивав најмалку три пораки дневно, каде сум ги купила моите омилени FILA Disruptor патики и секој пат се вознемирував кога требаше да ви кажам дека не можат да се купат кај нас, бидејќи знам колку се разочарувам кога слушам такво нешто. Овие маки на сите љубители на патики ги реши, како и секој пат, кој друг ако не Buzz. Покрај класичниот Disruptor White модел, пристигнаа нови брилијантни бои, и верувам дека нема да знаете за кого сакате да се одлучите попрво. Но, пред да ви кажам кои се сега моите омилени, јас ќе ви кажам и неколку информации за брендот FILA, кој, мислам, минатата година се врати на sneaker сцената во целосен сјај.
Дали знаете дека брендот FILA е создаден пред брендовите Nike, adidas и Puma? Да, FILA била создаденa во 1911 година. Знаеме дека спортските обувки заземаат високо место во светот на модата веќе неколку години, па логично е дека FILA дојде на ред за својот голем comeback. Најголемо и најпознато е влијанието на рускиот дизајнер Гоша Рубински, кој веќе јасно го истакнувал логото на FILA во своите колекции од 2016 година.
Кога станува збор за патики, јас сакам само две работи. Првиот е, се разбира, големиот ѓон по кој сум сосема лудa, а другиот е удобноста. За мене, ова се најудобните патики кои постојат и патики кои убаво изгледаат на секоја нога. Без разлика дали носите голем или мал број нема начин на кој тие нема да ви одговараат. Моделот во розева е голем хит за пролетта и јас веднаш "се залепувам" за него. Но, ако барате некои за полесна комбинација, земете бело и нема да направите грешка. Јас моите ги износив во сите можни варијанти. Со забележливи чорапи, до јакна и сако... Можете да си играте со нив, и според мое мислење ова е клучната работа.
До следниот блог, уживајте во сончевите денови.
