Nike Cortez не се само обични патики, Cortez се институција. Првата ‘’бомба’’ од мојот омилен бренд Nike, најпрво се дизајнирани како патики за трчање но подоцна се видени во сите можни спортови и модни комбинации. Cortez беа апсолутен хит во 1972’ На Олимпијадата и токму така добија глобална заинтересираност. Секако првите кои ги носеа се светски познати имиња во тоа време, спортисти, актери, пејачи и токму поради овој факт се здобија со вечна слава. Но секако дека немаше да останат толку моќни доколку не беа комфорни, а сепак перфектни со едноставен дизајн. Нема да биде погрешно доколку кажеме дека Nike немаше да биде толку познат доколку ги немаше Cortez.
Мојот прв значителен контакт со нив беше во доцната 2005, кога започнав со break dance а мојот тренер ги носеше токму нив. Дојдов во салата за играње и го имав тоа чувство на се ново, чувство на свеж почеток и таму беа break dance, hip hop и Cortez. Тоа беше љубов на прв поглед. И втор. И трет.
Тие беа (и сеуште се) икона кај уличниот lifestyle и хип хоп културата.
LA gangsta рапот ги има претставено Cortez патиките на хип хоп сцената со прекарот 'Dopeman's Nikes'' од легендарната рап група NWA во далечната 1987. Очекувано беше Cortez да добие голем број на обожаватели од сцената на breakdance и помеѓу танчерите претежно. Во тие денови немаше спонзорски договори со многу спортисти и пејачи или инфлуенсери како во денешницата. Единствениот начин да дознаеш дали нешто е ново беше доколку луѓето секојдневно го носат и верувајте ми, Cortez беа носени.
Едноставен дизајн, комфорни, толку лесни и перфектни за break dance! И после тренингот сепак ќе изгледаш одлично но за секој случај понеси уште еден пар Cortez со тебе бидејќи во салата за вежбање е дозволено само со чисти патики. Да не кажеш дека не те предупредив.
Buzz on,
