Не знам за вас, но јас ја обожувам оваа летна еуфорија, која кај мене започна одамна бидејќи летото е мое омилено годишно време. Ми се чини дека секое лето ми започнува во различно расположение што се однесува до стилот. Што може да се смета за проблем бидејќи повторно и повторно сум во потрага за ново парче гардероба за кое знам дека следното лето нема да можам да го искористам. Затоа внимавам да барем обувките бидат едноставни, класични и да можам да ги носам следната година.
Иако, толку сум опседната со обувки што кога еднаш ќе се залепам за еден пар ги купувам барем во две бои. Така беше и овој пат со прекул моделот на NIKE папучи од кои одбрав во бела и крем варијанта.
Она што за мене е пресудно е удобноста, но секако ме купи и тоа што изгледаат толку добро на стапалото. BUZZ оваа сезона има различни модели на женски летни папучи, многу повеќе од минатата година. Она што е важно е што овие обувки ќе ги имам со години. Ги имам постојано на себе и сега додека го истражувам прекрасниот Миконос. Цел ден ги носам, влегувам во море со нив, а потоа навечер ги носам во комбинација со комбилизони и кошули и можам да ви кажам дека одлично прилегаат со се. Особено овој бел модел. Така што знам дека било која еуфорија да ме обземе следното лето тие сигурно ќе бидат составен дел од секоја стилска комбинација бидејќи според мене овие Nike папучи нема да излезат од мода.
Ви испраќам бакнежи од прекрасниот Миконос до следното пишување.
