Поздрав народе.
Кратка, но важна приказна за едни од најпочитуваните патики во светот, The Cortez.
Nike Cortez патиките прв пат се произведени во Орегон, но никогаш не би ја виделе светлината на денот да не се здружиле двајцата основачи на NIKE, Inc. Bil Bowerman тренер по атлетиката на универзитетот и Phil Knight кој се натпреваруваше во неговиот тим. Двајцата веднаш станаа пријатели, а потоа и бизнис партнери кога инвестираа за увоз на познатиот бренд Onitsuka Tiger од Јапонија, денес познат како ASICS. Компанијата што ја основаа беше наречена Blue Ribbon Sport.
Bowerman цврсто веруваше дека оние кои што трчаа заслужуваат врвни патики за патеката, и по неколку години експериментирање и дизајнирање, нејзиниот финален облик заврши во 1968 година. Cortez за прв пат беше презентиран во 1972 година, кога компанијата Blue Ribbon Sport го добива името NIKE. Истата година на ОИ во Минхен оваа патика ја користеа атлетичарите од САД, а модел се продаваше во голем број примероци (преку 8000 парови). NIKE остварила профит од 800.000 долари токму од Cortez, а добивката на компанијата се зголеми за неверојатни 100%. Ова всушност била пресвртницата на компанијата, а токму овој модел во суштина ги постави основите на она што е Nike, Inc. денес.
Патиката има извонреден изглед и квалитет, бидејќи пред сè беше наменета за трчање. Nylon (како основен материјал за овој модел) е многу мек на контакт, а патиката е лесна и многу флексибилна. Големиот SWOOSH е составен од кожа, и е зашиен на страничните делови на патиката. Ребрастиот ѓон (OUTSOLE) е направен од гума и дизајниран во стил на рибина коска за да има максимално прилепување на површината. Другиот, централен дел (MIDSOLE) е направен од пена (иста пена се користи за повеќето наменски спортски обувки) од два дела во стил на листови (од една до друга), и така се наоѓаат на местото каде што има пет слоеви со задачи за кревање на петата, а со самото тоа и да го намалува уморот на нозете како и апсорпција на каменчињата при трчање, бидејќи беше направена за трчање.
Патиката денес има своја долгогодишна lifestyle традиција и овој модел e носен од многу познати личности, притоа се појавува во филмот Karate Kid, во хумористичната серија Seinfeld, како и во филмот " The Wolf Of Wall Street ", каде што моделот е носен од Leonadro Di Caprio. Да не заборавиме дека Cortez доживеал слава во филмот Forest Gump. Постојат многу, многу комбинации на бои од овие патики како и материјали од кои се изработени. Интересен е фактот што латиноамериканските членови на различни наркокартели го носат овој модел и денес. Во Лос Анџелес и Мексико тие добро се препознаваат еден од другите по боите на Cortez и по некој детаљ на нив...
Се надевам дека уживавте во текстот ... Беше краток, но доволно за да ги знаете основните работи за овој извонреден модел. Денес никој не сака да чита, па текстот е поткрепен со основни информации. Cortez има голема историја и дефинитивно патика која треба да се почитува во круговите на колекционерите и другите љубители на патиките.
Ви посакувам прекрасен почеток на летото и уште подобро лето ... се читаме повторно во есен / зима кога ќе ми започне омиленото годишно време.
Крешко
