КУЛТНИОТ МОДЕЛ AIR FORCE 1
Моделот на компанијата Nike, познат како AF1 и AF-1, го дизајнирал познатиот дизајнер Bruce Kilgore а името на оваа патика настанало од името на авионот со кој патувал претседателот на САД.
Од самото настанување на патиката па се до денес, доаѓа во три варијанти а тоа се: LOW, MID, HI.
Hi моделот доаѓа со лента која служи за додатно затегнување на зглобот, така што на одредени модели постои можност за одстранување на самиот ремен па така моделот можете секако да го носите и без него во зависност од потребите.
MID моделите исто така имаат сличен додаток како и на Hi, со тоа што не постои опција за одстранување на ременот.
Иако патиката доаќа во различни бои, најпознати се бела ''White On White'' и црна ''Black On Black''
Многу важен детал на овој пионер на Nike компанијата, е метaлната плочка која е прицврстена на дното на врвките на кој е изгравиран ''AF1' 'лого со сребрена боја, додека пак на постарите модели со ситни бројки било испишано ’82. Плочките изворно биле во овален облик, но подоцна за обележување на 25 роденден на овој модел, поточно во 2007 година доживуваат редизајн, па така сега се правоаголни. Постоела е бела плочка но подоцна истата била исфрлена.
NIKE AIR FORCE ONE почнал да се произведува во 1982 и тоа траело една година. Дури во 1986 година AIR FORCE ONE повторно ја гледа светлината на денот и тоа со новото ITALIC NIKE лого и секако SWOОSH-от на самото дно на задниот дел на ѓонот. Сепак големи промени на моделот не се случиле. Исфрлиле само изворните шевови на на страничните панели во новите изданија на овој прекрасен модел. Од тогаш па до денес, моделот го има во преку 1700 различни COLORWAY-и, носејќи заработка околу 800 милиони долари годишно. Патиките доживеале толку големо внимание кај потрошувачите така што поединечни препродавачи во еден период добиле забрана за препродавање затоа што самата компанија Nike едноставно не постигнувала да произведува ниту пак да испорачува парчиња од овој модел.
Ова всушност била и првата кошаркарска патика која ја користела познатата NIKE AIR технологија.
Како перформанс патика сеуште се користи за улично играње, додека пак некогаш патиките ги користеле за професионална игра многу NBA играчи.
NIKE AIR FORCE 1 се смета како омилена патика помеѓу младата популација, посебно во Харлем и Њу Јорк, а од таму потекнува и нивниот сленг-назив ‘’UPTOWNS’’.
Nelly и неговата група St.Lunatics имаат работено на сингл наречен ‘’Air Force Ones’’ секако во чест на овие патики.
Во своите песни патиката е споменувана од страна на Kanye West, Khris-ONE, The GAME, 50 CENT…
Моделот минатата година го прослави својот 33 роденден а неговата популарност од ден за ден се повеќе се зголемува!
