Ka një gjë që nuk mund ta duroj në lidhje me atletet. “Rrudhosjen” e pjesës së sipërme të atleteve pranë zonës së gishtërinjve. Rrudha të mallkuara. Ende nuk ka një zgjidhje të duhur për këtë problem, e megjithëse ju gjithmonë mund t'i hekurosni pak atletet me një leckë të lagur dhe hekur për ti hequr ato rrudha sa herë krijohen. Por unë mund të them me lehtësi se atletet perfekte të cilat nuk “rrudhosen” në atë zonë kritike janë adidas Superstar. Ato njihen me një mori emrash dhe janë një nga modelet më të preferuara nga të gjithë, si nga fëmijët dhe të rriturit.
Kur flasim për adidas Superstar, shpesh mendojmë për Run DMC, me hitin e tyre My adidas, bashkëpunimi i parë i adidas me muzikantë, por këtë herë ne thjesht do ta anashkalojmë këtë gjë.
Ato u krijuan pikërisht në vitin kur njeriu shkeli për herë të parë në Hënë (1969) dhe dolën në shitje në vitin pasardhës (1970) – duke u bërë atletet më të sukseshme dhe të preferuara falë lojës së basketbollit. Vrapimi dhe tenisi janë sportet që i popullarizuan shumë atletet, por personalisht mendoj se basketbolli i bëri atletet një fenomen të kulturës pop. Kareem Abdul Jabbar ishte ylli më i madh i NBA-së në vitet shtatëdhjetë, kështu që nuk është për t'u habitur që Horst Dassler (djali i themeluesit të adidas - Addy Dassler) e zgjodhi atë si fytyrën e modelit të ri, më të lehtë dhe më të qëndrueshëm.
Superstar kanë një histori të gjatë suksesi që vazhdon dhe shtohet akoma më shumë sot e kësaj dite. Kanë lënë një ndikim të madh në fushat e futbollit, pistat e basketbollit, në botën e hip-hopit të rrugës, në skenat e shumta të muzikës, dhe më vonë duke u bërë pjesë kryesore e modës dhe e përdorimit të përditshëm.
Mund të themi me lehtësi se nuk ka atlete më të mira se këto në shitje. Dizajni legjendar me pjesën e përparme prej gome që mbron gishtat e këmbëve dhe lëkurën origjinale e bëjnë këtë model zgjedhjen kryesore dhe të denjë për të marrë çmimin si modeli që ofron rehatinë e përkryer së bashku me stilin e përsosur. Pjesa e mesme është e injektuar me shkumë të butë, tepër të rehatshme në mënyrë që ju të qëndroni rehat gjatë gjithë kohës dhe dizajni i atleteve lejon mundësi të panumërta kombinimi me veshjet e garderobës tuaj.
Superstar janë padyshim një nga modelet më të mira në botën e atleteve.
